نشيد يا شباب الجيل

يَا شَبَابْ الجِيلْ، رَاهُو طَالْ اللِّيلْ

ضَيعْنَا الاِيمانْ، وانهارْ البنيانْ

تَبَّعْنَا الاَحْقَادْ، وَانْكَرنا الامجادْ

بلْعَتْنَا الخمور، واتْفَشَّا الفجور

لا رَجْلَه لا نِيفْ، لا ضَمِيرْ انْظِيفْ

واحَدْ قَدْ الفيلْ، تَلْقَى شَعْرُو طْوِيلْ

ماشي يَتْرَهْوَجْ، مَايَلْ يَتْغَنَّجْ

وَافْكَارُو عَوْجَا، وَاخْلاقُو مرجا

ما تسمع ياحبيب، غير كلام العيب

والبَنْتْ تْقَلَّدْ، صَبْحَتْ زَيّْ القَرْدْ

تَمْشِي في الساحل، كَعِيشَة رَاجَلْ

والأمْ تْرَبِّي، تَسْتُرْ وَتْخَبِّي

والأَبْ المَسْكِينْ يَخْزَرْ بَالعِينِينْ

عصْرَ الازدهارْ، فِيه الْبَسْنَا العَار

بَعْنَا فِلسطينْ، والهمَّة والدينْ

واشرَبنا النفاقْ، واشْرِينا الشقاقْ

والفْنَا الاِسْرَاف، وَالخَطْفَة بَزَّافْ

يَارَبِّ والْطُف، بَالأُمَّة وارْحَمْ

يَا شَبَابْ الجِيلْ، رَاهُو طَالْ اللِّيلْ