العودة للتصفح البسيط البسيط البسيط الكامل
ما مرتاح ما مرتاح ما مرتاح
كاظم إسماعيل الكاطعما مرتاح .. ما مرتاح .. مامرتاح
عيوني تستحي بس الدموع إوكاح
ما مرتاح
منٌك.. منٌي .. من الجاي من الراح
ما مرتاح
عركه وي الزمن ورجعنه مكسورين !!
وبعيده المسافه وينٌسي اللٌي طاح ..
ما مرتاح
لأن شفت الشمس نزلت تبوس الكًاع
وبچف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتاح
لأن قفل المحبه إنباكً
وِترهٌم عليه مفتاح
ما مرتاح
متروك بجزيره وتيٌهت بالليل
وإجو ربعي عليٌه بقافلة أشباح
وإنته إشبيك ؟؟؟؟؟
لمٌن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح !!
ولا جن الفجر مثل الفجر محبوب
لون الفجر صاير يقبض الأرواح !!
ما مرتاح من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
!!! صارعت المنيٌه وبيده هزني الموت!!!
ومدمٌى إطلعت :
صفٌكًو للتمساح
كل هذا وتريد أرتاح
ما مرتاح
ما مرتاح من ربعي ولا مرتاح
نادووني.. وركضت إبليل
إيد الرسن بيها وإييد بيها سلاح
عثرت مهرتي ... وربعي قبل ما طيح
واحد كًال للثاني
أبشرك طاح
قصائد مختارة
أبكي أنوح وانتحب
مريانا مراش أبكي أنوح وانتحب والعقل مني قد سلب
لي عزم كمرهف الحد ماض
موسى شرارة لي عزم كمرهف الحد ماض ذومقام على السماء تسامى
كأنما الحاجب الميمون علمه
صاعد البغدادي كأنما الحاجبُ الميمونُ علّمه فِعلَ الجميلِ فطابت منه أخلاق
مني الهجاء ومنك الصبر فاصطبر
ابن الرومي مِنّي الهجاءُ ومنك الصبر فاصطبرِ لِشرِّ منتظَرٍ يا شر منتظِرِ
لا تسأل الدار عن ظعن قد احتملوا
عبد المنعم الجلياني لا تَسأَلِ الدارَ عَن ظَعنٍ قَد اِحتَمَلوا
إن شئت تعرف حالتي
أحمد شوقي إن شئت تعرف حالتي فانظر إلى داري فإن السر عند الدار