العودة للتصفح الطويل الطويل المتقارب مجزوء الرمل الكامل الكامل
زرا زير البراري
مظفر النوابحن ....
وانه حن
و أنحبس ونه....
ونمتحن
مرخص بس كبة الدمع
شرط الدمع
حدة الجفن
**********
جفنك جنح فراشة غض
وحجارة جفني وما غمض
يلتمشي بيه
وبه نبض
روحي على روحك تنسحن
حن بويه حن
***********
عيونك
زرازير البراري
بكل نشاط جناحها
بعالي السحر
والروح مني
عوسجة بسر
ما وصل ليه النده
ولا جاسها بكطرة مطر
وصفولي عنك بالنباعي تفيض
وتعنيت ليله ... وبه الكمر
وصفولي عنك كل مسامة تفيض
منك عطر .. يلحسنك نهر
تنزل بصدري وبه النفس وبدمي
غصبن تنعجن
وأشهك وأصعدك للسمة
بحسرات وبعنة حزن
حن ... بويه حن
**********
شفافك ولا كولن ورد .....
عنابه معكودة عكد
تمتلي بكد ما تنمرد
لا هو دفو لا هو برد
***************
سكتاتك تشكل خواطر بالكلب ...
مالي عرف بيهن كبل
مبروم بره الريزة
يا ريان ومخوصر خصر
لف العكل
كل جملة منك ...
نبعة ريحان .. بالدلال ...
ما تحمل ثكل
وصفولي عنك
وردة القداح ريش جناح
زاهي بالسحر
وصفولي عنك
شال منك غيظ بستان الورد
والنرجس الرايج سكر
حني بفوازير ولحن ...
حنة حمامات السجن
حنة إلي ...
حنة إلك ...
واللي يعجبه خلي يحن
حن بويه حن
*************
آنه من أشوفك
يمتلي الامضي الجدب
زهرات بيض من الوفه
وروحي سواجي من الحنين تصير
وأنتبه وكت بيه غفه
يا محجل إن بيه ردود
أرد أردود للعشرين ....
من عمر الجفه
وأنصف عمر منك
نصفته بالهجر ...
والهجر منك ما كفه
حتى الهجر يا روحي
منك ما كفه
وكلبي عله هجرك كام أيحن
حن ... بويه حن ... حن ....
وآنه حن
وأنحبس ونه ...
ونمتحن
مجبور أرخصك على الدمع
شرط الدمع يجوي الجفن
قصائد مختارة
أنبيك عن عيني وطول سهادها
البحتري أُنَبّيكِ عَن عَيني وَطولِ سُهادِها وَحَرقَةِ قَلبي بِالجَوى وَاِتِّقادِها
إلى كم حياتي بالفراق مريرة
بهاء الدين زهير إِلى كَم حَياتي بِالفِراقِ مَريرَةٌ وَحَتّامَ طَرفي لَيسَ يَلتَذُّ بِالغُمضِ
أخ زاد معناه في صده
الشريف العقيلي أَخٌ زادَ مَعناهُ في صَدِّهِ وَأَخرَجَهُ التيهِ عَن حَدِّهِ
لعبة
عبد الرحيم محمود لُعبَةٌ تُهدى لِلعُبَةْ مِن فَتىً يَكتُمُ حُبَّهْ
اسمي لوجهك يا منى صفة
ابو نواس اِسمي لِوَجهِكِ يا مُنى صِفَةٌ فَكَفى بِوَجهِكِ مُخبِراً بِاِسمي
قل للمقيم مع النفوس علاقة
ابن خفاجه قُل لِلمُقيمِ مَعَ النُفوسِ عَلاقَةً ياراكِباً ظَهرَ المَطِيِّ بُراقا