الليلة اموت

الغيم مد يده اعله راسي

الليلة كَطرات العمر ناكَوط حب سهران

ضميني بسواد الشيله

هد عليه الليل بخيول الظلام

حيرتني ضنون موتي : اوف !!

ومن يكَابلني عليه ونشيله

الليله كَلبي ينام دافي وتندفن

الدم ينبع من سراديب الضلوع ويرسم

وطير من بين الضلوع يطير وتلحكَه السهام

وكَمر سكران اعله ميز قمار ضيع ليله ...

يا سنيني الرايحات وداعة الله

يا نخل يا عاكَر ::: احبل

ضوكَ طعم الفاجعه بوتت فسيلة وصيح ::

تابوت اجاك ويا الكَصب بهداي

( ومحمداوي ) من الكَلب غنيله ...

اخذني اعله نهران الحبيب

شي باقي منه ؟؟؟

واسجد بدمي عالرمل وشكيله ..

وهي العيون معلمه اشتبجيله !!!!!

يا طيور الليل وديني اعله ناسي ..

ينكسر كَلبه ,,, ويعرف اليبجيله ...

وعادة الموات يتمنى ... وانا اتمنى الشتا ...

هالليله