افكاري

كضت الحق الهارب ومتمرّد افكاري

ابا اروّض الفكره على حالي الجاري

ابا اقضب عنان الطامح الجامح العاصي

ابا المس حنان الساهم الحالم الساري

ابا اجمع شتاتي عقب رحلات غرباتي

واناغم هواجيسي على باكي اوتاري

تعبت ?وجرحني يا اهل المعرفةدربي

وطالت مسافاتي وانا اطارد افكاري

وراها توارى من ورا حاضر ايامي

وراها تسافر من ورا قدرة اسفاري

وراها تواري عجزي تشوفه عيوني

وراها تطير وكلي قيود واعذارِ

حبسني رماني بالثرى والسما حلمي

اغازل سحاباتي وانا اكتب لها اشعاري

اروّح لها صوتي مع رايح النسمه

واقول امطري ياغيمتي جفت انهاري

ويمسي علي الليل خالي وانا خالي

لا باح لي سرّه ولا بحت باسراري

نجوم السما تقدح وليلي بها ساكن

عجيب السكون بليل فيه الفلك جاري

ويافكري الهارب ويانوري الغارب

بدونك فراشاتي تهاوت على ناري

وانا لو عذرت الغير مااعذر افكاري

انا موطن افكاري ودار الفكر داري